KṬP inkaihhruaina

KṬP EMBLEM HRILHFIAHNA

A. A LEM (EMBLEM) HRILHFIAHNA

1. Rin bial (Circle) : Kohhrana ṭhalaite inpumkhatna leh inthlunzawmna

2. Kraws (Cross) : Isua Krista tuarna leh ringtute chhandamna

3. Bible inkeu (Open Bible) : Pathian thu hi kan rinna leh kan tih tur min kaihruaitu

4. Êng (Light) : K.Ṭ.P. thiltum palite

5. Thangchhuah diar : Mizo hnam zia lantirna

6. A sira dum pathumte : Pathian pakhata Mi Nung pathum rinna (Pa leh Fapa leh Thlarau Thianghlim)

B. A RAWNG HRILHFIAHNA

1. Font : Arial Bolt

2. A pawl (Blue) (CMYK: Ice Blue C-40) : Thlarau thianghlim leh pâwl thianghlim

3. A eng (yellow) (CMYK: Yellow Y-100) : Kohhran Ropuina

4. A sen (red) (CMYK: M-100, Y-100) : Krista thisen, mitin tana chhandamna

KṬP INKAIHHRUAINA

1. Pawl hming : Kristian Ṭhalai Pawl (KṬP)

2. Thupui : Rawngbawl tura chhandam

3. Thupui innghahna : Ephesi 2:10
“Thil ṭha ti atan Krista Isuaah chuan siama awmin ama kut chhuak kan ni si a; chu thil ṭha tih chu kan awmna turin Pathianin a buatsaih lawk a ni.”

4.    A thil tumte    :
    1)    Isua Krista rinna leh amah anna kawnga ṭhalaite hruai.
    2)    Kohhran kutke ni tura ṭhalaite buatsaih.
    3)    Kohhran hnathawh tihpuitlin.
    4)    Krista Chanchin Ṭha puan darh.

BUNG - I : MEMBER NIHNA LEH DINHMUN

1. Kristian Ṭhalai Pawla tel turte chu Presbyterian Kohhran mi an ni ber ang a, Kohhran pawl dang mi pawh an duh chuan an tel thei ang.

2. Kum 16 aṭanga 40 thleng, he pawl thiltumte pawma lo tel duh apiangte chu pawl member an ni thei ang.

*Kum 40 chhiar dan: Kum 40 an tlin kum chuan kum tluanin member-ah an tel thei ang.

3. Branch-in kum tinin a theih chin chinah an Kohhran huam chhunga Kohhran in tina lutin pawl member tur, mahni duhna ngeia inpete hming a ziak lut ṭhin ang.

4. Kohhran dan chhunga awmte chauh he pawl Office Bearer, Committee member leh rawngbawlna pawimawh dang atan hman tur a ni.

BUNG - II : PAWL INDIN DAN

Kristian Ṭhalai Pawl hi chhawng thum - Branch, Bial leh Central tia ṭhen a ni a. A insuihkhawm dan atan chuan a hnuaia tarlan ang hi zui a ni ang.

1.    Branch K.Ṭ.P. :
    1)    Kohhran leh Branch Church tinah Branch pakhat zel a awm thei ang.
    2)    Branch K.Ṭ.P. chu Kohhran Committee remtihpuiin din tur a ni a. Branch din fel a nih veleh Bial K.Ṭ.P. Committee kaltlangin Central K.Ṭ.P.-ah inziah luhtir tur a ni. Hemi rual hian Registration fee Rs. 50/- an pe nghal bawk ang.
3)    Office Bearer-te chu hengte hi an ni ang :
a) Leader
b) Assistant Leader
c) Secretary
d) Assistant Secretary
e) Treasurer
f) Finance Secretary
4)    Branch K.Ṭ.P. Committee-a tel turte chu hengte hi an ni ang :
a)     Office Bearer-te
b) Committee member atana ruatte
c) Kohhran committee aiawhte
d) Ex-Officio member-te :
i) Bialtu Pastor leh Pro. Pastor
ii) Branch huam chhunga Central K.Ṭ.P. hruaitu ṭanglaite.
iii) Branch huam chhunga Bial K.Ṭ.P. Office                 Bearer ṭanglaite
5)     Kohhran Committee-in ṭul a tih chuan Branch ṭhiah thlengin thu a nei ang.
6)     Branch K.Ṭ.P. Committee-in ṭul a tih chuan Branch chu Group       hrang hrangah a ṭhen thei ang.

2.    Bial K.Ṭ.P. :
    1)    Bial tinah Kristian ṭhalaite insuihkhawmna Bial K.Ṭ.P. din a ni ang.
    2)    Bial K.Ṭ.P. chu Bial Standing Committee remtihpuia din tur a ni a; din fel a nih ve leh Central K.Ṭ.P.-ah inziah luhtir tur a ni.
    3)     Office Bearer-te chu hengte hi an ni ang :
a)     Leader
b) Assistant Leader
c) Secretary
d) Assistant Secretary
e) Treasurer
f) Finance Secretary
    4)     Bial K.Ṭ.P. Committee-a tel turte chu hengte hi an ni ang :
a)     Office Bearer-te
b) Committee member atana ruatte
c) Ex-Officio member-te :
i)     Bialtu Pastor leh Pro. Pastor
ii) Bial Inkhawmpui Chairman leh Secretary

iii) Bial huam chhunga Central K.Ṭ.P. hruaitu ṭanglaite
5) Bial Standing Committee-in ṭul a tih chuan Bial K.Ṭ.P. ṭhiah thlengin thu a nei ang.

3.    Central K.Ṭ.P.:
    1)     Mizoram Presbyterian Kohhran pum huapa ṭhalaite rawngbawlna ngaihtuahtu Central K.Ṭ.P. din a ni ang.
    2)     Office Bearer-te chu hengte hi an ni ang :
a)     Leader
b) Assistant Leader
c) General Secretary
d) Assistant Secretary
e) Treasurer
f) Finance Secretary
    3)    Central K.Ṭ.P. Committee-a tel turte chu hengte hi an ni ang :
a) Office Bearer-te
b) Committee member atana thlante
c) Co-Ordinator/Assistant Co-Ordinator i/c K.Ṭ.P.
d) Ex-Officio member-te
i) Synod Moderator
ii) Synod Secretary
iii) Synod Executive Secretary i/c K.Ṭ.P.

iv) PYF Office Bearer (Kan Synod aṭanga an awm chuan)

BUNG - III : HRUAITUTE THLAN DAN

1. Branch K.Ṭ.P.

    1)     Branch K.Ṭ.P. Office Bearer-te chu member-ho inkhawmin kum tin thlan ṭhat tur a ni.
    2)     Kohhran Committee-in ṭul a tih chuan inthlan hmain Leader tur a ruat thei ang.
    3)     Branch K.Ṭ.P. Committee-in ṭul a tih chuan Office Bearer atana thlan awm mite a nominate thei ang.
    4)     Inthlan dan tur chu Kohhran Committee hriatpuiin Branch K.Ṭ.P. Committee-in a rel fel ṭhin ang.
    5)     Inthlanna chu post mal malin emaw, a hlawma mi paruk emaw thlan chhuaha tih theih a ni ang.
    6)     Vote inang hmu an awm chuan inthlanpuitute’n ṭha an tih angin an rel thei ang.
    7)     Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.
    8)    A hlawma mi paruk thlan chhuah an nih chuan inthlan aṭanga ni sarih (7) ral hmain thlan tharte chuan Kohhran aiawh leh Ex-Officio Member-te kaihhruainain chanvo an invuah tur a ni.

9) Hruaitu hluiten thlan tharte hnenah hun remchag hmasa berah mawhphurhna (charge) an hlan ṭhin ang.
10)    Committee member turte chu Office Bearer, Kohhran aiawh leh Ex-Officio member-ten ṭul an tih    zat an ruat ṭhin ang a, Bial K.Ṭ.P. Committee leh Kohhran Committee a hriattir ang.
    11) Mi pakhatin a zawnin chanvo ngai kum hnih (2) thleng a chelh thei ang.
    12) Office Bearer leh Committee member-te eng vang pawha an nihna chelh zui thei lova an awm chuan Branch Office Bearer, Kohhran aiawh leh Ex-Officio member ten ṭha an tih angin an rel ṭhin ang.

2.    Bial K.Ṭ.P.
    1)     Bial K.Ṭ.P. Office Bearer-te chu Bial K.Ṭ.P. Conference-in kum khat (1) chhung ṭang turin a thlang ṭhin ang.
    2)     Bial Standing Committee-in ṭul a tih chuan inthlan hmain Leader tur a ruat thei ang.
    3)     Bial K.Ṭ.P. Committee-in ṭul a tihchuan Office Bearer atana thlan awm mite a nominate thei ang.
    4)     Bial K.Ṭ.P. Committee-in inthlan dan turte a rel fel ṭhin ang a, inthlanpuitu tur ṭul a tih zat a ruat ṭhin ang.
5)     Vote inang hmu an awm chuan inthlanpuitute’n ṭha an tih angin an rel thei ang.
6)     Post mal mala inthlan a nih chuan Leader, Assistant Leader, Secretary, Assistant Secretary, Treasurer, Finance Secretary indawta thlan tur a ni.
7)     A hlawma mi paruk thlan chhuah an nih chuan Bial Conference chhung ngeiin thlan tharte chuan Ex-Officio Member-te kaihhruainain chanvo an invuah tur a ni.
8)     Committee member turte chu, Office Bearer leh Ex-Officio member-ten ṭul an tih zat an ruat ṭhin ang.

9) Hruaitu hluiten thlan tharte hnenah hun remchang hmasa berah mawhphurna (charge) an hlan ṭhin ang.
    10)Inthlanna neih fel a nih veleh Central K.Ṭ.P. leh Bial Standing Committee a hriattir tur a ni.
    11)Mi pakhatin a zawnin chanvo ngai kum hnih (2) thleng a chelh thei ang.
    12)Office Bearer leh Committee member-te eng vang pawha an nihna chelh zui thei lova an awm chuan Bial K.Ṭ.P. Office Bearer leh Ex-Officio member ten ṭha an tih angin an rel ṭhin ang.

3.    Central K.Ṭ.P.
    1) Leader chu Synod Executive Committee-in kum hnih (2) ṭang turin a ruat ṭhin ang a, a ṭul chuan a ngai emaw term hmasa lama Leader lo ni tawh emaw te pawh a ruat nawn thei ang.
    2)     General Secretary chu Synod Co-Ordinator-te zing aṭangin emaw Ordained Minister-te zing aṭangin emaw Synod Executive Committee-in a ruat ṭhin ang a, a term chungchang chu Synod Executive Committee kutah a awm ang.
    3)     Inthlanna a awm dawn ṭum chuan Central Committee-in Committee member atana thlan awm mi,    Aizawl khawpui chhung Bial tin aṭangin pakhat ṭheuh a ruat lawk (nominate) ṭhin ang a, a ṭul chuan Bial K.Ṭ.P. Committee a rawn thei ang.
        Central Committee member atana rawt (nominee)-te chu Bial/Branch aiawh palaia ruat an nih loh chuan chhimtu anga ngaih an ni ang a, vote an nei lovang.
    4)     Central K.Ṭ.P. Committee member turte chu General Conference-in nominate-te zinga mi chu kum hnih (2) chhung ṭang turin mi sawm pariat (18) a thlang ṭhin ang.
        Central K.Ṭ.P. Committee member tur thlannaa inthlanpuitu tur chu Central K.Ṭ.P. Committee-in General Conference hmain a ruat lawk ṭhin ang.
    5)     Hruaitu thlan tharte chuan Synod Moderator leh   Ex-Officio member-te kaihhruainain Office Bearer tur General Conference chhung ngeiin an inruat fel ang.
6) Central K.Ṭ.P hruaitu hlui ten thlan tharte hnenah hun remchang hmasa berah mawhphurhna (charge) an hlan ṭhin ang.

7) Office Bearer leh Committee Member-te chu term hnih (2) kum li (4) atan thlan theih an ni ang.
8) Central hruaitute eng vang pawha rawngbawlna chelh zui thei lova an awm chuan Central K.Ṭ.P. Committee-in ṭha a tih angin a rel ṭhin ang.

BUNG - IV : COMMITTEE HNATHAWH TUR LEH MAWHPHURHNATE

1. Branch K.Ṭ.P. Committee

    1)     An Branch huam chhunga Ṭhalaite leh tleirawlte Krista hnena hruaitu, Kohhran kutke ṭangkai ni tur leh Pathian thu hriatna lama hmasawnna an neih theih nan rawngbawlna kawng hrang hrang a ngaihtuah ṭhin ang a, a ṭul dan azirin Bial K.Ṭ.P. Committee pawh a rawn ṭhin ang.
    2)     Kum tinin an Branch chanchin Bial K.Ṭ.P. Conference-ah an report ṭhin ang.
    3)     Branch-in Central Committee hnenah thu thlen tur a neih chuan Bial Committee kal tlangin a thlen tur a ni.
    4)     Pawisa lamah Branch chu a intodelh tur a ni.
    5)     Anmahni Branch pawn khawih tel programme a nei dawn emaw, a tel dawn emaw a nih chuan Kohhran Committee remtihpuina a la hmasa ṭhin ang a, Bial K.Ṭ.P. Committee leh Bialtu Pastor a hriattir ṭhin ang.

6) Bial pawn khawih thil lian tham (Intihsiak, etc.) a buatsaih dawnin Central K.Ṭ.P. remtihna a la hmasa ṭhin ang.

2.    Bial K.Ṭ.P. Committee
    1)     Bial chhunga Branch tinte kaihhruai leh tihchak dante a ngaihtuah ṭhin ang.
    2)     Branch rawngbawlna chungchangah Bial chhunga rel tur ṭul awm apiang chu a rel ang a, a ṭul dan angin Bial Conference pawh a rawn ṭhin ang.
    3)    Bial chhunga Branch hrang hrang thu theh luhte a ngaihtuah ṭhin ang a, a ṭul chuan Central K.Ṭ.P. Committee-ah a thlen ṭhin ang.
    4)    Bial chhunga Branch te rawngbawl dan chanchin Bial Conference-ah a report ṭhin ang.
    5)     Bial Committee hnathawh leh Bial chhunga Branch te rawngbawl dan Central K.Ṭ.P.-ah kum tin a report ṭhin ang.
    6)     Pawisa lamah Bial Committee chu intodelh tura beisei a ni a, ṭul a tih chuan Bial chhunga Branch hrang hrangah thawhlawm a khawn thei ang.
    7)     Bial pawn lam khawih tel programme a huaihawt dawn emaw, a tel emaw a nih chuan Bial Standing
Committee emaw, Bialtu Pastor remtihpuina emaw a la hmasa ṭhin ang a, Central K.Ṭ.P.-ah a hriattir ṭhin ang.

8) Bial dang khawih thil programme lian tham (Intihsiak, etc.) a buatsaih dawnin Central K.Ṭ.P. remtihna a la hmasa ṭhin ang.

3.    Central K.Ṭ.P. Committee
    1)     Mizoram Presbyterian Kohhran pum huapa ṭhalaite zinga rawngbawlnaa mawhphurtu ber a ni.
    2)     Ram insingsak dan leh ṭhan zel dante leh Kohhran rawngbawlna kal zel thlir chungin, ṭhangtharte huikhawm zawnga rawngbawlna kawng tharte zawngin a ngaihtuah ṭhin ang.
    3)     A remchan ang zelin khawvel pum huapa ṭhalaite programme-a tel leh zau zawka rawngbawlna tur a ngaihtuah ang.
    4) Ṭul a tih chuan Bial leh Branch a\angin thawhlawm a khawn thei ang.

5) General Conference leh Rorel Inkhawma ngaihtuh tura Bialin thu a thlente a lo thlir ang a, ngaihtuah awma a ngaihte a chhawp chhuak ṭhin ang.

BUNG - V : CONFERENCE CHUNGCHANG

1. Bial K.Ṭ.P. Conference :

1) Bial tinin Bial K.Ṭ.P. Conference kum tin vawi khat an nei ṭhin ang.

2) Bial K.Ṭ.P. Conference rorel inkhawm hi Biak Ina neih ṭhin tur a ni.
3) Bial K.Ṭ.P. Conference-ah hian Branch tin aṭanga rorel palai intirh tur zat chu Bial K.Ṭ.P. Committee-in ṭul a tih chuan a bithliah thei ang.

4) Bial K.Ṭ.P. Conference-ah hian Branch-a Kohhran Committee aiawh awmte chu palai ni sa an ni.

2.    K.Ṭ.P. General Conference :
    1)     K.Ṭ.P. General Conference chu kum khat danah neih a ni ang.
    2)     K.Ṭ.P. General Conference-ah hian rorel palai atan Branch aiawh pakhat leh Bial aiawh pakhat intirh ṭhin tur a ni.

3) General Conference thlengtu tur chu Central K.Ṭ.P. Committee-in a ruat ṭhin ang.

3. K.Ṭ.P Rorel Inkhawm

1) General Conference neih loh kumah Rorel Inkhawm neih ṭhin a ni ang.

2) K.Ṭ.P. Rorel Inkhawmah hian rorel palai atan Branch aiawh pakhat leh Bial aiawh pakhat intirh ṭhin tur a ni.

3) Rorel Inkhawm thlengtu tur chu Central KṬP Committee-in a ruat ṭhin ang.

BUNG VI : ṬUL DANGTE

1. Sum Audit :

Branch, Bial leh Central K.Ṭ.P. sum chu Synod Financial Rules-in audit dan tur a sawi angin kum tin audit ṭhin tur a ni.

2. Inkaihhruaina siam ṭhat thu

Kristian Ṭhalai Pawl Inkaihhruaina siam ṭhat leh tihdanglam thu-ah chuan Central K.Ṭ.P. Committee-in rawtna a siam ang a, Synod Executive Committee-in a pawm hnuah hman a ni ang.

BUNG VII : PRESBYTERY HUAP K.Ṭ.P. MEET NEIH DAN TUR

[Vide SEC 213:13; 214:11; 2007 Synod Gen. 73; SEC 217:35; 218:39(A)]

1. A hming : 'Presbytery KṬP Meet' tih a ni ang a, a mawhphur turin Presbytery Meet Committee siam a ni ang.

2. Presbytery Standing Committee-in Meet hi neih ṭul a tih chuan a hma thei angin Meet Committee a siam fel ang.

3.    Hruaitu inruat dan    :    Presbytery Meet Committee-chu Presbytery Standing Committee-in a huam chhunga Bial K.Ṭ.P. Office Bearer-te aṭangin a ruat ṭhin ang.
    1)    Office Bearers
            Chairman
            Vice Chairman
            Secretary
            Asst. Secretary
            Treasurer
            Finance Secretary

2) Committee Members

Committee Member-te chu Office Bearer leh Ex-Officio te’n ṭul an tih zat an ruat ṭhin ang.

    3)    Ex-Officios
        a)    Presbytery Moderator leh Secretary (Sr.)
        b)    Bialtu Pastor leh Pro. Pastor-te
        c)    A huam chhunga Central K.Ṭ.P. Committee Member-te

4.    Committee hnathawh tur leh mawhphurhnate
    1)    General Conference neih loh kumah meet ṭum khat a buatsaih ṭhin ang.
    2)    Meet neih dan tur rel leh ngaihtuah bak chu rorel tura ngaih a ni lo.
    3)    Meet neihna hmun leh hun chu an remchan ang ṭheuhvin an ruat ṭhin ang.
    4)    Meet senso tur a theih angin a ngaihtuah ang a, a huam chhunga Bial leh Branch-te tum tur a ṭul angin a ruahman ṭhin ang. Sum sen hautak lo thei angin ruahman ni se.
    5)    Central K.Ṭ.P.-a inkhaikhawmna leh inthlunzawmna dip leh hliah tur zawngin hma lak tur a ni lovang.
    6)    Minute-bu leh Account-bu fel takin a vawngin a enkawl ang a, meet neih zawhah Presbytery Secretary hnenah thehluh ṭhin tur a ni.
    7)    Meet Committee sum chu audit ṭhin tur a ni.

5. Hruaitu term

Meet Committee ruat a nih aṭanga Meet neih zawh thleng a ni ang.